• Janaria ikastetxean bertan prestatzen da, Auzo-Lagun enpresak ekarritako lehengaiekin.
• Sukaldeko langileak Hezkuntza Sailekoak dira eta jantokiko monitoreak Auzo-Lagun enpresak ohiko bazkaltiarren kopuruaren baitan kontratatzen ditu.
• Jantoki zerbitzua ikasturteko egun guztietan eskaintzen zaie Haur Hezkuntza eta Lehen Hezkuntzako ikasleei, HH2ko ikasleei izan ezik; hauek egokitze-aldia bukatutakoan hasten baitira.
• 12:30 eta 15:00 bitarte, ikasleren batek eskolatik atera behar baldin badu, familiek dagokion begiraleari esan behar dio. Maiztasunez atera behar badu (musikara, ingelesera, e.a.) baimen bat sinatu behar dute idazkaritzan.
• Bazkaltiar guztiek menu bera jaten dute. Menu bereziak zerbitzatzen dira, betiere, mediku egiaztagiria ekartzen bada.
• OOG-k ohiko bazkaltiar berriak onartu ahal ditu lekurik baldin badago eta ikasturte hasieran Sailak ezarritako ratioak guztiz estali arte.
• Hau da gure barne arautegia: Jantokiko barne araudia. OOGk onartuta

Jantokiko Menua ikusteko, Ausolanen webean sartu eta eskolaren izena sartu.

Oiartzungo herria menditsua izateaz gain, auzo desberdinetan banatua dago. Horrek garraio eskaintza egokitua eskatzen du.

Egunero hiru ibilbideen bitartez autobusek ikasleak geltokietan jasotzen dituzte ikastetxera normaltasunez etor daitezen. Behin eskolak bukaturik bueltan eramaten dituzte ikasleak beren geltokietara.

Zerbitzua doakoa da horretarako eskubidea dutenentzat. Legez, garraio eskubidea dute, ikastetxetik gutxienez bi kilometrotara eta Oiartzun barruan bizi direnentzat.

Gure ikastetxearen garraio enpresa Oiartzungo Iparbus da.

Garraio arduradunak Irune Larrañaga eta Andoitz Apaolaza dira

Gainera, Hezkuntza Sailaren arautegia betetzen ez duten ikasleentzat, hau da, Orereta, Irun edo Oiartzunen 2 km baino gutxiagora bizi direnentzat, Guraso Elkarteak, garraio zerbitzu osagarria eskaintzen du. Zerbitzu hau, ikasturteak irauten duen 10 hilabeteetan zehar bakarrik ordaintzen da eta 40 € dira hilabetero. 

BUS ORDUTEGIA 20-21

Zenbait familiatan lan ordutegia eta eskolakoa bateratzeko  dituzten zailtasunei irtenbidea emateko, arreta-zaintza zerbitzua dugu martxan.

Zerbitzu hau goizeko 7:30etatik 9:00etara eskaintzen da. Egun bakanetan behar izanez gero, idazkaritzara deitu ezazue.

Guraso Elkarteak zerbitzu hau antolatzeaz gain, diruz laguntzen du.

GOIZ-TXOKOKO ARAUDIA

Zerbitzu hau Guraso Elkarteak antolatu eta kudeatzen du. Guraso Elkarteak, Batzorde Iraunkorraren bitartez, Zuzendaritza taldearekin batera funtzionamendua, erabiltzaile kopurua, erabiliko diren espazioak, kuotak eta abar aztertuko ditu.

• Zerbitzu hau HH eta LHko ikasle guztiek erabili ahal izango dute.
•  Ordutegi malgua izango du. 07:30etatik 09:00ak bitarte.
• Izen-ematea eskolako idazkaritzan edo Guraso Elkartearen bitartez egin daiteke.
• Izen-ematea familiek behar duten denbora epeetara egokituko da.
• Egun soltetan erabili ahal izango da.
• Kuotak:

1. - 07:30etatik 09:00ak arte: 60 euro
2. - 08:00tatik 09:00tara: 40 euro 
3. - 08:30etatik 09:00tara: 20 euro
4. - Egun solteak. 10 euro.

Guraso Elkarteak eskolaz kanpoko ekintzak antolatu eta bultzatzen ditu.

Eva Getaria da harremanetarako pertsona.

  TEL: 665737964.

Ekainean eskolaz kanpoko jarduerei buruzko informazioa eta izen-emate orriak banatzen dira.

Edozein argibidetarako idazkaritzara jo dezakezue.

Ekintza hauek Urrian hasi eta Maiatzean bukatzen dira.

                Todas las actividades comienzan en octubre y finalizan en mayo.

“Inprimaki honen bitartez jasotako datuak tratamendu automatizatua izango dute eta KIROLAZ datu basean txertatuko dira. Datu hauek esplotazio estatistikoa egiteko soilik erabiliko dira, eta beste administrazio publikoei edo besterik laga edo jakinarazi ahal izango zaizkie Datu Pertsonalak Babesteko abenduaren 13ko 15/1999 Lege Organikoan aurreikusitakoa gertatzen denean. Interesdunek datuak eskuratzeko, ezeztatzeko, zuzentzeko eta aurka egiteko eskubidea erabili ahal izango dute Oiartzungo Udalean, Gazteria eta Kirola Sailean, Done Eztebe enparantza, 1 – 20180. Edota helbide elektroniko honetan”

2017-18 Guraso elkarteak kudeatzen ez dituenak

Oiartzungo Udalak urtero udaleku irekiak antolatzen ditu Haur Hezkuntza (3-6 urte) eta Lehen Hezkuntzako (6-12 urte) ikasleentzat. Horretarako Elizalde eskolako eta Haurtzaro ikastolako instalazioak erabiltzen dituzte. Jarduera gehienak kalean egiten dituzte, eguraldiak uzten badu, eta txango asko antolatzen dituzte.

Udaberri aldean izaten da izen ematea.

2 urteko haurrentzat, ikasle kopuru nahikoa badago, Guraso Elkartearen bitartez antolatzeko aukera dago.